Wat wil jy graag uitneem?
Christchurch se biblioteek is op die punt om nog boeke en tydskrifte te bestel.
As jy 'n lid van Christchurch se biblioteek is, hierdie is jou kans om hulle te laat weet wat jy graag wil lees!
Skryf gerus aan afrikaans@swart.co.nz en laat weet ons:
Watter boeke wil jy graag uitneem (titels en outeurs)
Watter tydskrifte sal jy gereeld uitneem (bv. Finesse, Leef, Rooi Rose, Sarie, Tuis, Weg)
Baie dankie by voorbaat - ons sal jou terugvoer na die biblioteek aanstuur.
Waar is al die boeke heen?
Waar is al die Afrikaase boeke in Christchurch se hoofbiblioteek heen? Uitgeneem, natuurlik.
Ja sowaar, Christchurch se Afrikaans-sprekende inwoners het die nuwe versameling Afrikaanse boeke amper heeltemal uitgeneem.
As jy lus is om Afrikaans te lees en na die hoofbiblioteek toe gaan, is daar dus 'n kans dat heelwat van die Afrikaanse boeke uitgeneem sal wees.
Ons stel voor dat jy eers die versameling op die biblioteek se webwerf deurkyk (en dalk die boeke wat jy wil uitneem reserveer).
Die elektroniese katalogus werk so:
1. Besoek http://christchurchcitylibraries.com/
2. Kliek bo aan die webblad op ‘catalogue'
3. 'n Nuwe bladsy sal laai
3. As ‘Central' vertoon, kliek op ‘Just Enter'. (‘Tale van die Wêreld' word in die ‘Central'-tak geberg)
4. Die katalogusbladsy sal laai
5. Kies ‘By Language' as ‘Afrikaans'
6. Tik in ‘Afrikaans', 'Afrikaans fiction', 'Afrikaans nonfiction', of 'childrens stories Afrikaans'
7. Kliek op die ‘Subject' knoppie
Die Afrikaanse Taal in 'n Neutedop
Afrikaans is 'n taal wat grootliks in suidelike Afrika gepraat word (hoofsaaklik in Suid-Afrika en Namibie). Klein Afrikaanssprekende gemeenskappe kom elders ter wereld voor na onlangse emigrasie uit Suid-Afrika.
The Afrikaans Language in a Nutshell
Afrikaans is one of the languages spoken in Southern Africa (predominantly South Africa and Namibia). Small communities of Afrikaans-speaking people are based in other parts of the world after emigrating from Southern Africa in recent years.
